កាលពីម្សិលមិញពួកយើងបានទៅលេងគីរីរម្យ
នេះជាផ្លូវឡើងទៅកាន់ភ្នំ

យើងសំរេចចិត្តទៅលេងស្រះស្រង់ម្តងព្រោះពីមុនមកយើងមិនដែលបានទៅលេងនៅឡើយ

ខ្ញុំអង្គុយដាក់ប៊ីយ៉ែរមួយកំប៉ុងគ្រាន់កំដរភាពអផ្សុក

ក្នុងពេលដែលអ្នកផ្សេងទៀតកំពុងរកទិញម្ហូប

ខ្ញុំអត់បានដឹងទេថាមានសត្វចំលែកនៅពីក្រោយ បើដឹងភ័យស្លាប់ហើយ

ចំលែកបន្តិចព្រោះគ្មានមនុស្ស

យើងរកបានកន្លែងអង្គុយមួយល្អនៅមាត់ទឹក

មើលទៅទំនងដែរ

យើងសំរេចសំរួលថាញុំបាយនៅទីនេះហើយ

ម្ចាស់តូបបង្រៀនយើងពីវិធីចាប់ត្រីដាក់ស្បោង

ខ្ញុំត្រូវបានគេហៅមកឈរជា background ដើម្បីថតរូបរុយ (សត្វដែលរំខានយើងពេលញុំបាយ)

ដោយផ្លូវចោតខ្លាំងពេក មិត្តខ្លះត្រូវចុះដើរសិន

ម្នាក់ៗហត់ឡើងគឃូស

ល្ងាចបន្តិចយើងក៍ត្រលប់ចូលក្រុងភ្នំពេញវិញ។

Continue reading " ស្រះស្រង់ "

ថ្ងៃច័ន្ទត្រូវជូនអូនទៅសាលា
ហើយត្រូវនៅចាំទទួល
ពេលអូនចេញពីរៀនកាលណា
ត្រូវនាំអូនជិះដើរលេងនៅមាត់ទន្លេ
ចង់ធ្វើជាសង្សារល្អម្នាក់
ត្រូវតែចេះស្តាប់បង្គាប់
អូនថាធ្វេង ធ្វេង
អូនថាស្តាំ ស្តាំ
អូនថាលើ លើ
អូនថាក្រោម ក្រោម
បើមិនចេះស្តាប់បង្គាប់
កុំធ្វើជាសង្សារអូនអី។
ថ្ងៃអង្គារត្រូវជូនអូនទៅសាលា
ហើយត្រូវនៅចាំទទួល
ពេលអូនចេញពីរៀនកាលណា
ត្រូវនាំអូនទៅញុំពោតស្ងោរនៅព្រែកលាប
ចង់ធ្វើជាសង្សារល្អម្នាក់
ត្រូវតែស្តាប់បង្គាប់
អូនថាដេក ដេក
អូនថាដើរ ដើរ
អូនថាឈរ ឈរ
អូនថាអង្គុយ អង្គុយ
បើមិនចេះស្តាប់បង្គាប់
កុំធ្វើជាសង្សារអូនអី។
ថ្ងៃពុធត្រូវជូនអូនទៅសាលា
ហើយត្រូវនៅចាំទទួល
ពេលអូនចេញពីរៀនកាលណា
ត្រូវនាំអូនទៅមើលកុនរឿងខ្មោច
ចង់ធ្វើជាសង្សារល្អម្នាក់
ត្រូវតែស្តាប់បង្គាប់
អូនថាសើច សើច
អូនថាយំ យំ
អូនថាអោប អោប
អូនថាថើប ថើប
បើមិនចេះស្តាប់បង្គាប់
កុំធ្វើជាសង្សារអូនអី។
ថ្ងៃព្រហស្បត៍
ត្រូវជូនអូនទៅសាលា
ហើយត្រូវនៅចាំទទួល
ពេលអូនចេញពីរៀនកាលណា
ត្រូវនាំអូនទៅញុំបាយនៅ A-2
ចង់ធ្វើជាសង្សារល្អម្នាក់
ត្រូវតែស្តាប់បង្គាប់
អូនថាញុំ ញុំ
អូនថាផឹក ផឹក
អូនថាបឺត បឺត
អូនថាឆ្អែត ឆ្អែត
បើមិនចេះស្តាប់បង្គាប់
កុំធ្វើជាសង្សារអូនអី។
ថ្ងៃសុក្រត្រូវជូនអូនទៅសាលា
ហើយត្រូវនៅចាំទទួល
ពេលអូនចេញពីរៀនកាលណា
ត្រូវនាំអូនទៅទិញខោអាវម៉ូតថ្មីនៅសូរិយា
ចង់ធ្វើជាសង្សារល្អម្នាក់
ត្រូវតែស្តាប់បង្គាប់
អូនថាសម សម
អូនថាតូច តូច
អូនថាធំ ធំ
អូនថាទិញ ទិញ
បើមិនចេះស្តាប់បង្គាប់
កុំធ្វើជាសង្សារអូនអី។
ថ្ងៃសៅរ៍ត្រូវជូនអូនទៅសាលា
ហើយត្រូវនៅចាំទទួល
ពេលអូនចេញពីរៀនកាលណា
ត្រូវនាំអូនទៅរាំឌីស្កូនៅក្លិបកំសាន្ត
ចង់ធ្វើជាសង្សារល្អម្នាក់
ត្រូវតែស្តាប់បង្គាប់
អូនថារាំ រាំ
អូនថាញាក់ ញាក់
អូនថាងក់ ងក់
អូនថាស្ងៀម ស្ងៀម
បើមិនចេះស្តាប់បង្គាប់
កុំធ្វើជាសង្សារអូនអី។
ថ្ងៃអាទិត្យត្រូវនៅជ្ទះ
កុំទៅណាផ្តេសផ្តាស
កុំទៅឌុបស្រីណាផ្សេង
បើឃើញទាន់ច្បាស់ហើយ
ចង់ធ្វើជាសង្សារល្អម្នាក់
ត្រូវតែស្តាប់បង្គាប់
អូនថា Call Call
អូនថា Message [...]

Continue reading " សង្សារខ្ញុំ "

ខ្ញុំនឹងឈប់សំរាកពីការងារចាប់ពីថ្ងៃស្អែករហូតដល់ថ្ងៃទី២២ ឧសភា
សូមទាំងអស់គ្នាបានសប្បាយរីករាយក្នុងពេលឈប់សំរាកនេះ
ជួបគ្នាក្នុងរយះពេល ១០​ ថ្ងៃទៀត។

Continue reading " ឈប់សំរាក "

តើនៅស្រុកខ្មែរយើងនេះមិនមានអ្នកអាចនិពន្ធទំនុកភ្លេងបានទេឬអី? ហេតុអីឃើញមានតែអ្នកចំលងទំនុកភ្លេងពីគេ?
ហេតុអីមានតែអ្នកសរសេរបកប្រែសំរួលជាខ្មែរ
ដាក់ឈ្មោះខ្លួនរួចច្រៀងពាសទឹកពាសដី?
មានចំរៀងខ្លះច្រៀងញាប់រកស្តាប់មិនទាន់
មានអ្នកចំរៀងខ្លះមិនទាន់ចាំទំនុកច្រៀងខ្លួនឯងផង
ព្រោះច្រៀងឡើងរាប់រយបទ កុំថាឡើយតែអ្នកស្តាប់
តែអ្នកចំរៀងខ្លួនឯងណឹងក៍ចាំមិនបានដែរ
ទាល់តែមានអ្នកចាំថាទំនុកច្រៀងពីតាមក្រោយពីថតជាការ៉ាអូខេ
មើលទៅគួរអោយអាម៉ាស់ណាស់
មានទំនុកភ្លេងត្រូវបានជាយកមកឆ្នៃជាច្រើនលើកច្រើនសារ
ទំនុកភ្លេងដដែលតែច្រៀងច្រំដែលៗជាច្រើនសារ
គ្រាន់តែប្តូរទំនុកច្រៀងជាការស្រេច។
នេះហើយសិល្បះករខ្មែរ។
មានអ្នកយល់ឃើញមួយក្រុមទៀតថាមិនត្រូវចំលងពីគេទៀតទេ
ត្រូវការពារបទពីសង្គមចាស់ ត្រូវច្រៀងបទលោកស៊ីនស៊ីសាមុត
ត្រូវតែរក្សាកែរដំនែលមរតកអធិរាជចំរៀង
ជាច្រើនលើកច្រើនសារមានការប្រលងចំរៀង
ដោយយកបទលោកស៊ីនស៊ីសាមុតមកច្រៀងឡើងវិញ
តែម្តងៗនៅលើឆាកខ្ញុំឃើញគេច្រៀងឡើងលំបាកវេទនា
ព្រោះបទលោកសាមុតតឹងណាស់
ខ្លះឡើងតឹងសរសៃកររកកលនឹងដាច់ដង្ហើម
និយាយតាមត្រង់រកពីរោះមិនឃើញសោះ។
ខ្ញុំសូមសរសើរយ៉ាងអស់ពីចិត្ត
ចំពោះទឹកចិត្តស្រលាញ់នឹងការហាត់ច្រៀងរបស់ពួកគេ
តែសួរថាមាននរណច្រៀងពីរោះដូចលោកសាមុតហើយឬនៅ?
បទរបស់លោក លោកច្រៀងបានពីរោះហើយ
ស្តាប់ចំរៀងដើមរបស់លោកទៅ
បង្កើតកន្លែងមួយសំរាប់ប្រមូលបទលោកសាមុតមករក្សាទុក
សំរាប់អោយកូនខ្មែរជំនាន់ក្រោយបានស្តាប់
នេះទើបជាការចាំបាច់មួយ។
កុំត្រាបតាម
ព្រោះប្រហែលជាក្នុងលោកនេះរកអ្នកស្នងលោកសាមុតមិនបានទេ។
យើងគួរស្វះស្វែងរកអ្វីដែលថ្មី
អ្វីដែលលោកសាមុតមិនមានឧកាសច្រៀងនៅឡើយ
អ្វីដែលយើងអាចច្រៀងទៅតាមសំលេងរបស់យើង
អ្វីដែលយើងបង្កើតថ្មីស្រឡាង
អ្វីដែលជារបស់យើងជាខ្មែរ
នេះហើយជាអ្វីដែលយើងត្រូវធ្វើ
មិនមែនគ្រាន់តែច្រៀងអោយបានដូចលោកសាមុត
ជាអះអាងថាយើងការការពារវប្បធម័យើងបានហើយ។
ដើម្បីការពារវប្បធម័មួយ ត្រូវត្រូវចេះធ្វើដំនើរទៅមុខ
ការបង្កើតថ្មីជាផ្លូវតែមួយគត់ក្នុងការការពារវប្បធម័មួយ។
តើមិនមានសោះឬអ្នកដែលចង់សាកល្បងបង្កើតថ្មី?
តើមិនមានអ្នកមានទេពកោសល្យសោះឬនៅស្រុកខ្មែរនេះ?
ខ្ញុំជឿថាមាន
ខ្ញុំជឿជាក់យ៉ាងមុតមាំថាមាន
គ្រាន់ថាអ្នកមានទេពកោសល្យមិនអាចចេញមកឯងៗបានឡើយ
ប្រៀបដូចជាដំនាំមិនអាចដុះឯកឯងនៅក្នុងព្រៃ
ត្រូវមានអ្នកស្រោចទឹកដាក់ជី ថែទាំយ៉ាងយកចិត្តទុកដាក់
អ្នកបង្កើតថ្មីក៍យ៉ាងដូច្នោះដែរ ពួកគេត្រូវការអ្នកគាំទ្រ
ត្រូវការអ្នកស្តាប់ដែលចេះអោយតំលៃ
ត្រូវការមហាជនលើកតំកើន
បើគ្មានមហាជននោះក៍គ្មានអ្នកមានទេពកោសល្យ។
នៅក្នុងរឿងដារីយ៉ារបស់ខ្ញុំ
ខ្ញុំនឹងបង្ហាញនូវជីវិតរបស់សិល្បករម្នាក់
ដែលមិនដូចជាសិល្បករក្លែងក្លាយទាំងឡាយឡើយ
គាត់ព្យាយាមនិពន្ធខ្លួនឯងទាំងអស់
តែអភព័ណាស់ព្រោះគ្មាននរណាគាំទ្រចំរៀងរបស់គាត់
គាត់ត្រូវរស់យ៉ាងត្រដាបត្រដួស
ទប់ទល់នឹងភាពត្រម៉ង់ត្រម៉ោចរបស់គាត់។
ខ្ញុំសង្កេតមើលឃើញសង្គមយើងនៅខ្វះចំនុចណឹងឯង
គឺការអោយមិនចេះអោយតំលៃ
កុំថាឡើយតែចំរៀង តាំងពីរបស់របរប្រើប្រាស់ឡើង
មិនខិតខំជួយគាំទ្ររបស់ក្នុងស្រុកទេ
ម្នាក់ៗនាំគ្នាទិញតែរបស់នាំចូលពីស្រុកគេ
រឿងទាំងនេះឯងដែលយើងត្រូវក្រើនរំលឹក
រឿងទាំងនេះឯងដែលបុគ្គលម្នាក់ៗត្រូវចាំផ្តើមគិត។
យើងចូលមករឿងចំរៀងសម័យយើងវិញ
ត្រូវហើយនេះជាប្រទេសសេរី អ្នកចង់ច្រៀងចង់ស្តាប់អីក៍បាន
វាជាសេរីភាពរបស់បុគ្គលនីមួយៗ យើងមិនអាចហាមឃាត់គេបានឡើយ
តែបើម្នាក់ៗចេះលះបង់បន្តិចម្តងៗ
ឈប់គាំទ្រពួកសិល្បករក្លែងក្លាយ ងាកមកគាំទ្រសិល្បករពិតៗ
នោះបន្តិចម្តងៗ ខ្មែរយើងនឹងមានចំរៀងដែលជាស្នាដែពិតៗរបស់កូនខ្មែរយើង។
បើមហាជនចាប់ផ្តើមចេះគាំទ្រអ្វីជារបស់ខ្មែរពិត
នោះសិល្បករក្លែងក្លាយនឹងកែខ្លួន
ងាកមកខិតខំបង្កើតស្នាដែខ្លួនឯងវិញផង
ព្រោះបើមិនអញ្ចឹងគ្រាន់នរណាទិញថាសចំរៀងរបស់ខ្លួនឡើយ។
ការប្រលងចំរៀងនោះទៀតសោត
ត្រូវដាក់លក្ខខណ្ឌថាចំរៀងត្រូវតែថ្មីនិងមិនចំលងពីគេមកទេ
នោះប្រាកដជាមិនមានមនុស្សឡើងលើឆាកកក្រើកមេឃដូចសព្វថ្ងៃនេះទេ
ព្រោះការបង្កើតថ្មីនេះមិនមែនជាការងាយស្រួលឡើយ
ទំរាំបានមួយបទៗ ត្រូវចំនាយពេលច្រើនណាស់
សព្វថ្មីនេះម្នាក់ៗសុទ្ធតែជាអ្នកចំរៀង
មានអ្នកឡើងឆាកថ្មីៗរាល់ថ្ងៃ
រាល់អាទិត្យមានតារាថ្មីជាច្រើនដួងរះត្រចង់
តែលោកអើយដូចមម៉ាចចូលភ្លើង
រកគុណភាពមិនឃើញសោះ។
ហេតុនេះហើយខ្មែរយើងគួរគិតឡើងវិញ
ម្នាក់ៗត្រូវគិតថាទាំងអស់គ្នាអាចរួមចំណែក
ក្នុងការការពារវប្បធម័យើងបាន
មិនមានអ្វីដែលត្រូវចំនាយលើសពីសព្វថ្ងៃនេះឡើយ
គ្រាន់តែម្នាក់ៗត្រូវចេះគិតថាអ្វីដែលត្រូវគាំទ្រ
អ្វីដែលមិនត្រូវគាំទ្រ អ្វីដែលត្រូវចេះលះបង់
ព្រោះវាជាកត្តាចំបងក្នុងការបង្កើតអ្នកមានទេពកោសល្យ។
ការលះបង់នេះគឺជាជំរើសរបស់បុគ្គលនីមួយៗ
មិនទាក់ទងនឹងនយោបាយឬសេដ្ឋកិច្ចឡើយ
វាជាការសំរេចចិត្តរបស់បុគ្គលសុទ្ធសាទ
នរណាៗក៍មានសិទ្ធ មានលទ្ធភាពរួមចំនែកដែរ។
សមាគមមួយគួរតែត្រូវបានគេបង្កើត
ដើម្បីគាំទ្រដល់អ្នកចំរៀងថ្មីៗ
ដើម្បីអោយគ្នាបានរឹងដែរឹងជើងក្នុងការបង្កើតថ្មីនេះ
ទំរាំបន្តិចម្តងៗមហាជនចាប់ផ្តើមអោយតំលៃទៅលើពួកគេ
លុះដល់វេលាមួយមហាជនចេះអោយតំលៃចេះគាំទ្រ
ហើយសិល្បករអាចរស់ខ្លួនឯងបាន ពេលនោះយើងអាចប្រលែងគេបាន។
ក្រសួងវប្បធម័គួរតែគិតគូរដល់រឿងគាំទ្រ
និងបង្កើតសមាគមនេះឡើង។
ទូរទស្សនីមួយៗគួរចាំផ្តើមគិតគូរ
ដាក់លក្ខខណ្ឌទៅលើការរើសបទចំរៀងមកប្រលង
ត្រូវផ្តល់អតិ្តភាពទៅលើអ្នកមានទេពកោសល្យ
ដែលអាចនិពន្ធអ្វីៗខ្លួនឯងបាន។
ហើយខ្ញុំសង្ឃឹមថាខ្មែរយើងនឹងចេះគិត
មហាជនទាំងអស់គ្នានឹងងាកមកគាំទ្រ
ដល់អ្នកមានទេពកោសល្យក្នុងការបង្កើតថ្មី។
ខ្ញុំសូមបញ្ចប់អត្ថបទខ្ញុំត្រឹមនេះ
ខ្ញុំគិតមកជាយូរហើយក្នុងការសរសេរអត្ថបទនេះ
តែខ្ញុំនៅក្រែងរអែងគំនិតខ្ញុំនៅខ្ចី
ហើយមិនមានប្រយោជន៍អ្វីជាដុំកំភួន
តែដល់គិតយូរៗ ទើបខ្ញុំដាច់ចិត្តសរសេរ
បើមានការខុសឆ្គងត្រង់ណា
សូមមេត្តាអភ័យទោសអោយទានផង។
ដើម្បីអានអត្ថបទទាំងមូលលោកអ្នកអាចថតនៅទីនេះបាន
ចំរៀងសម័យ 

Continue reading " ចំរៀងសម័យ-ភាគបញ្ចប់ "

ខ្ញុំប្រឹងស្វះស្វែងរកយ៉ាងសកម្ម ចំរៀងរបស់ក្រុម Dengue Fever
មិនដឹងថាថាសចំរៀងរបស់ពួកគេមានលក់នៅស្រុកខ្មែរដែរឬទេ
អីឡូវខ្មុំរកបានទំព័រដែលអាចស្តាប់បានបួនបទដែរ
ក្នុងនោះចំរៀង អា ហ្គោ ហ្គោ អាចថតបាន
បើបងប្អូនចាប់អារម្មណ៍អាចសាលល្បងបាន
http://www.myspace.com/denguefevermusic

Continue reading " ឆោម និមល "

ខ្ញុំបានតាំងចិត្តថានឹងដើរអោយបានមួយជុំស្រុកខ្មែរ
តាំងពី២ឆ្នាំមុនក្រុមរបស់ខ្ញុំបានធ្វើដំនើរមិនតិចឡើយ
នេះជាការធ្វើដំនើររបស់យើងនៅក្នុងព្រែកកំពតហើយនិងបូកគោ

ចាប់ផ្តើមរៀបចំអីវ៉ាន់ដាក់ទូក

យើងចាប់ចេញដំនើរប្រហែលជាម៉ោង១២ តែគ្មាននរណាថ្ងូរថាក្រៅសោះព្រោះម្នាក់ៗជាប់ចិត្តនឹងទេសភាពតាមដងព្រែក

មកដល់កោះមួយ យើងចូលទូកដើម្បីឡើងគោកញុំអាហារថ្ងៃត្រង់

មើលទៅដូចជាមនុស្សចេះដើរលើទឹក

មួយស្របក់ក្រោយមកទឹកចេះតែឡើងទៅៗ រហូតដល់រកដីគោកឈរមិនបាន
យើងក៍ចេញដំនើរបន្តទៅទៀត

អែបទូកអ្នកនេសាទដើម្បីទិញត្រីនិងក្តាម

គ្មានអុសគ្រប់គ្រាន់ដើម្បីស្ងោរក្តាម យើងក៍ឡើងគោកចុះកាប់អុស

ខ្ញុំមិនដឹងច្បាប់ថាពួកគាត់កំពុងនេសាទអ្វីឡើយ

បន្ទាប់ពីនោះពួកយើងចាប់ផ្តើមច្រៀង ចំនែកខ្លះទៀតគោះជាចង្វាក់

យើងខ្វះទឹកសាបដើម្បីស្ងោរត្រី មានអីប៊ីយ៉ែរក៍បានដែរ

នេះជាស្ពានកំពត តែអីឡូវលឺថាបាក់ហើយ

នេះជាផ្ទះដ៍ស្រស់ស្អាតមួយនាមាត់ព្រែក

យើងបានទៅដល់ភូមិមួយនៅជាប់មាត់ព្រែក មានលក់របស់ញុំបន្តិចបន្តួច

ទូករបស់យើងបានមកដល់ទឹកឈូរ ហើយនាំគ្នាងូតទឹកយ៉ាងសប្បាយ

មកដល់គោកវិញមួយៗអស់កំលាំងព្រោះតែខំស្រែកច្រៀងពេក។
អ្នករត់តុបានប្រាប់យើងថាពីល្ងាចមានក្រុមស្ទាវមួយក្រុមជិះទូកច្រៀងឡូរឡាពេញព្រែក
ពួកគាត់មិនដឹងឡើយថាជាពួកខ្ញុំ កុំមាត់ខ្មាស់គេ!!!

មើលអាមួយនេះដើរទាំងបិទភ្នែក

កំពតពេលព្រឹកព្រលឹម

នៅមុខផ្សារកំពត

រៀបចំប្រដាប់ឈ្នះ អត់អាណឹងអត់សប្បាយ

ផ្លូវឡើងទៅភ្នំបូកគោ

បូកគោដំនាក់ទីមួយ

[...]

Continue reading " កំពត​-បូកគោ "

គ្រាន់តែរកកន្លែងញុំបាយសោះ ហេតុអ្វីធ្វើអោយលំបាកខ្លួនដល់ម្លឹង?
នេះជាពាក្យស្រីៗរអ៊ូរ តែដំនើរកំសាន្តរបស់ពួកខ្ញុំក៍មិនធម្មតាដែរ

រៀបចំឡើងរទេះគោ រទេះគោមួយប្រហែលជា ៥០០០ រៀល

ប្រុសៗដើរតាមក្រោយ ជួនកាលត្រូវជួយរុញរទេះគោផង។

ដល់ពាក់កណ្តាលផ្លូវ រទេះគោលែងទៅមុខបានហើយ ត្រូវចុះដើរទាំងអស់គ្នា

ឡើងបានពាក់កណ្តាលផ្លូវស្រីៗរអ៊ូរមិនឈប់ មើលចុះ

គ្រាន់តែសំលឹងមើលផ្លូវហើយ  មើលធ្វើមុខ!!! 

ចំនែកខ្ញុំជាមួយគុជ ត្រូវសែងធុងទឹកកក យ៉ាងត្រដាបត្រដួសដែរ

ដល់ហើយ! ពុទ្ធោអើយ ហត់ឡើងចង់លៀនអណ្តាត

ស្រីៗដល់ទៅហត់ពេក  នាំគ្នាដេកអស់រលីង  ទុកប្រុសៗធ្វើម្ហូប 

របៀបឈរបន្តាក់គ្នាដើម្បីជញ្ចូនម្ហូប 

ក្រោយមកស្រីៗជាអាំងសាច់ម្តង 

ថតពីមុខដើមឈើមួយមានឈ្មោះថា  ដើមមោក 

យើងមកដល់ក្រុងវិញពេលយប់ងងឹត។ 

Continue reading " ចំបក់ "

Continue reading " ស្រីស្អាតជិះម៉ូតូឌុប "

ព្រឹកនេះវេលាម៉ោងមួយយប់និងពីនាទីបីវិនាទី
ម៉ោងថ្ងៃខែឆ្នាំនឹងចេញជា
០១:០២:0៣ ០៤/០៥/០៦
វាមិនអាចកើតមានឡើងម្តងទៀតឡើយក្នុងជិវិតរបស់អ្នក

Continue reading " ០១:០២:0៣ ០៤/០៥/០៦ "