Archive for March, 2006

ក្រោយមកទៀតក្នុងឧកាសស្នាក់នៅស្រុកបារាំងពីរឆ្នាំ
ខ្ញុំបានស្គាល់ចំរៀងជាច្រើនប្រភេទទៀតដែលកំពុងពេញនិយម
មានដូចជា Rock, Jazz, Blue, Rap …
ហើយនៅមានអ្នកចំរៀងបារាំងជាច្រើននាក់ទៀតដែលខ្ញុំពេញចិត្ត ។

តែក្រោយពីត្រលប់ចូលស្រុកវិញខ្ញុំបែរជាចាប់ចិត្តសារជាថ្មី
ទៅលើចំរៀងពីសង្គមចាស់ ស្របពេលជាមួយនោះ
ខ្មែរយើងចាប់ផ្តើមចំលងចំរៀងពីថៃ ពីចិន ពីអង់គ្លេស
ដែលសុទ្ធតែជាបទដែលខ្ញុំធ្លាប់ស្តាប់កាលពីប៉ុន្មានឆ្នាំមុន
ពួកគេមិនអាចទាក់ទាញអារម្មណ៍របស់ខ្ញុំ ទៅលើចំរៀងពួកគេទេ
ផ្ទុយទៅវិញ គេផ្តល់មកខ្ញុំវិញនូវភាពអៀនខ្មាស់យ៉ាងអាណែក ។

ខ្ញុំអៀនខ្មាស់ណាស់ពេលឃើញខ្មែរយើងមកបទគេមកច្រៀងយ៉ាងនេះ
ហើយកុំប្រកាស់អោយខ្ញុំឮអី ថាពួកលោកកំពុងការពារវប្បធ៌មខ្មែរ
កុំប្រកាស់នៅនឹងមុខខ្ញុំ អោយជួយគាំទ្រសិល្បះករខ្មែរ
ព្រោះពាក្យដែលលោកពោលចេញមក វាមិនមែនជាអ្វីដែលលោកកំពុងធ្វើ
លោកកំពុងលួចចំលងពីគេទាំងដុល
ហើយលោកដើរស្រែកជំទាលថា លោកកំពុងការពារវប្បធ៌មខ្មែរ ?
អោព្រះអើយ មិនចេះខ្មាស់គេទេឬអី ?
លោកគួរប្រសិទ្ធនាមពួកលោកថាជាសិល្បះករចោរប្លន់
អាណឹងបានវាសមនឹងអំពើរដែលលោកកំពុងធ្វើ ។

លោកលួចប្លន់សិទ្ធបញ្ញាររបស់គេ
គេមិនប្តឹងលោកព្រោះស្រុកយើងមិនទាន់មានច្បាប់សិទ្ធបញ្ញារ
បើសិនមានវិញនោះ ពួកលោកចូលគុកទាំងអស់ ។
ពេលនោះចាំមើលថាតើមួយឆ្នាំ ៗ លោកចេញបានប៉ុន្មានថាសចំរៀងទៀត ?
ខ្ញុំគិតថាប្រហែលជាយូរបន្តិចហើយ ព្រោះលោកលែងមានឧកាសលួចចំលងពីគេហើយ
ពេលនោះថាមិនត្រូវ ក្នុងគុកណឹងលោកអាចបញ្ចេញថ្វីដីរបស់លោកបាន
ពេលនោះប្រហែលមានអ្នកទៅគាំទ្រលោកវិញមិនខាន ។
នៅមានត

Continue reading " ចំរៀងសម័យ-ភាគ២ "

4 Comments

under: Article

ចំរៀងសម័យ

Posted by khmerbird in March 16th 2006

ចំរៀងជាចំនែកមួយយ៉ាងសំខាន់នៅក្នុងជីវិតខ្ញុំ ។
កាលនៅរៀន ខ្ញុំរៀនផងស្តាប់ចំរៀងផង ។
អ្នកផងតែងសួរខ្ញុំថា ខ្ញុំរៀនចូលទេ ពេលស្តាប់ចំរៀងណឹង ?
ខ្ញុំតែងឆ្លើយថា បើអត់ចំរៀងទើបខ្ញុំរៀនមិនចូល ។
ពេលចេញពីរៀនមានលុយបន្តិចបន្តួច ខ្ញុំតែងទៅរកទិញកាសែតចំរៀងនៅផ្សារថ្មី ។
ខ្ញុំសុខចិត្តទ្រាំមិនញុំអីដើម្បីសន្សំលុយទុកទិញកាសែតចំរៀង ។
ម្តាយខ្ញុំតែងបន្ទោសខ្ញុំជារឿយ ៗ ពីការដែលខ្ញុំទិញកាសែតចំរៀង។
យូរ ៗ កាសែតឡើងគរដូចភ្នំ ។ គាត់រអ៊ូរថា ឯងទិញយកមកធ្វើអី យកទៅលក់វិញទៅ ។
ខ្ញុំតែងធ្វើមិនដឹងមិនឮ ។

ចំរៀងជាមិត្តជំនិតក្នុងចំនោមមិត្តជំនិតទាំងបីក្នុងជីវិតខ្ញុំ
ជំនិតទីមួយគឺការអានសៀវភៅ
ជំនិតទីពីរគឺចំរៀងនេះឯង
ចំនែកជំនិតទីបីគឺរឿងកុន ។
ចំរៀងជាអ្នកកំដរខ្ញុំ ក្នុងការអង្គុយមើលសៀវភៅ អង្គុយធ្វើលំហាត់ ។
ចំរៀងជាអ្នកលួងលោមខ្ញុំពេលខ្ញុំពិបាកចិត្ត
ដែលជួនមកពីច្អិតទ្រូងនឹងស្នេហា
ជួនមកពីមិនយល់ពីជីវិតព្រោះវាលំបាកពេក ។ ពេលខ្ញុំពិបាកចិត្តម្តង ៗ ចំរៀងជួយអោយខ្ញុំដកដង្ហើមបានធូរ
អារម្មណ៍តានតឹងទាំងអំបាលម៉ានហាក់ធូរទៅខ្សាកតាមសំលេងត្អួញត្អូររបស់អ្នកចំរៀង ។
កាលនៅតូចក្រូចឆ្មារ ខ្ញុំចូលចិត្តស្តាប់បទពីសង្គមចាស់
មានបទលោក ស៊ីនស៊ីសាមុត រស់សេរីសុទ្ទា ស៊ុះម៉ាចជាដើម ។
លុះខ្ញុំពេញវ័យអាយុរប្រហែល ១៥, ១៦ [...]

Continue reading " ចំរៀងសម័យ "

8 Comments

under: Article

គំរោងការរឿងចុងស្រល់

Posted by khmerbird in March 15th 2006

ខ្ញុំបានបើកទំព័រមួយទៀតសំរាប់គំរោងក្នុងការសរសេររឿងចុងស្រល់
http://project-1-3-2.blogspot.com
បើមានបងប្អូនណាចាប់អារម្មណ៍ក្នុងការជួយសរសេរឬផ្តល់ជាយោបល់
សូមអរគុណទុកជាមុន

Continue reading " គំរោងការរឿងចុងស្រល់ "

2 Comments

under: Random