ខ្ញុំគិតថាខ្មែរយើងមានចំការផ្លែឈើជាច្រើន
តែនៅមិនទាន់មានលទ្ធភាពអាចផលិតជាកំប៉ុង
ហើយនាំទៅលក់នៅបរទេសបាននៅឡើយ
ពេលរសៀលនេះខ្ញុំនឹងទៅជួបមិត្តភក្តិម្នាក់ធ្វើការ
នៅខាងការផលិតស្រា ស្ករ និងរបស់ជាច្រើនទៀតចេញពីត្នោត
ខ្ញុំចង់ស្វែងយល់អោយបានច្រើនពីការងារច្រកកំប៉ុងនេះ
ព្រោះបើយើងមានលទ្ធភាបបង្កើតរោងចក្រផលិតគ្រឿងកំប៉ុងបាន
មួយយើងអាចរកការងារធ្វើអោយកម្មករជាច្រើន
អ្នកស្រុកយើងនឹងងាយស្រួលលក់ផលិតផលរបស់គាត់
មួយទៀតងាយស្រួលរកទីផ្សារនិងការថែរក្សា
ខ្ញុំសង្ឃឹមថានឹងបានចំលើយច្រើនពីគាត់
ព្រោះខ្ញុំចង់បង្ហាញពីគំនិតនេះនៅក្នុងរឿងដារីយ៉ារបស់ខ្ញុំ

Continue reading " ផលិតផលកំប៉ុង "

អូហូ ល្អមែនទែន
ខ្ញុំរកឃើញការផ្តើមរឿងហើយនិងការបន្តទៅឈុតបន្ទាប់ទៀតបានយ៉ាងល្អ
គឺថាឈុតបើកឆាកគឺចាប់ផ្តើមពីការពោលរបស់សម្បតិ្ត(ខ្ញុំធ្លាប់ដាក់នៅទីនេះម្តងហើយ)
ព្រោះអាលីនសង្សារបស់គេបានចាកចោលគេទៅរៀបការជាមួយអនិកជននៅអាមេរិក
បន្ទាប់មកស្រាប់តែលឺសំលេងគោះទ្វារមែន
ស្រាប់តែពេលបើកមកគ្នាឯងសោះ
គេមកហៅសម្បតិ្តទៅធ្វើការ ព្រោះអន្ទិតនេះខូចចិត្តមិនទៅធ្វើការច្រើនថ្ងៃហើយ
អ៊ំណារិត ចាងហ្វាងនិពន្ធចង់ជួបជាមួយគេ
ព្រោះការងារនិពន្ធចុងក្រោយរបស់គេយកជាការមិនបានសោះ
(នរណាទៅសរសេរអីកើត សង្សាបែកចិត្តទាំងមូល ទាំងខ្ញុំទាំងគេ)
បន្ទាប់អ៊ំណារិតដាប់សម្បតិ្តផាំងៗទាំងម្តង
ព្រោះគាត់ធ្លាប់សរសើរទឹកដៃនិពន្ធរបស់អន្ទិតសម្បតិ្ត
អីឡូវមិនគួរអីដោយសារស្រីម្នាក់ធ្វើអោយគាត់បាត់បង់អ្នកនិពន្ធម្នាក់សោះ
គាត់បានហុចគំរោងការរឿងដារីយ៉ាទៅអោយសម្បតិ្ត
ព្រោះកាលនោះគាត់មានគំរោងការសរសេររឿងដារីយ៉ាខ្លាំងណាស់
តែដោយគ្មាននរណាយល់ព្រមអោយគាត់សំភាសន៍សោះ
ម្លោះហើយបានជាគំរោងការនេះនៅតែក្នុងថតតុគាត់ជាច្រើនឆ្នាំ
អីឡូវដោយសារសម្បតិ្តបាត់បង់ជំនឿលើស្នេហាយ៉ាងនេះ
គាត់បានអោយគំរោងការដារីយ៉ានេះទៅអោយសម្បតិ្តសរសេរ
ព្រោះវាជារឿងរ៉ាវស្នេហាពិតប្រាកដមួយ
ដែលបង្កើតជាឃាតកម្មកក្រើកអស់ក្រុងភ្នំពេញ
អីឡូវខ្ញុំកំពុងកសាងសំនុំរឿងឃាតកម្ម
ខ្ញុំចង់បានគំរូសំនុំរឿងឃាតកម្មពិតប្រាកដមួយ
ដែលប៉ូលីសខ្មែរយើងបំពេញសំរាប់កសាងរបាយការណ៍
មិនដឹងថាត្រូវទៅទាក់ទងខាងណាបានទេ?
ចាំមើលសាកល្បងសាកសួរផាទ្រីសាកមើល
ក្រែងគាត់អាចជួយបាន
បានកាលណាខ្ញុំដាក់ចូលផ្លុកទៅក្នុងសំនុំរឿងដារីយ៉ា
អីឡូវនៅអង្គុយគិតឈុតបន្ទាប់
តែដល់ម៉ោងមើលបាល់ហើយ
អូហួសម៉ោងបន្តិចទៅហើយ
អាឡែងតែសប្បាយចិត្តនឹងឆាកឈុតផ្តើមរឿងរបស់ខ្ញុំ
គេទាត់បាល់ចោលបាត់
លាហើយ។

Continue reading " ឆាកឈុតដំបូង "

ដារីយ៉ា ជារឿងរ៉ាវស្នេហាមួយដែលខ្ញុំកំពុងសរសេរ
ប្រហែលនេះជាលើចុងក្រោយហើយដែលខ្ញុំសរសេរពីស្នេហា
ព្រោះលើកនេះខ្ញុំបានសរុបទាំងអស់ទ្រឹស្តីស្នេហាដែលខ្ញុំស្គាល់
រួមជាមួយភាពពិតជាក់ស្តែងនៃសង្គមមួយដែលខ្ញុំបានស្គាល់
ដារីយ៉ា ជាគំរោងដ៍ធំមួយរបស់ខ្ញុំ
ជាលើកដំបូងហើយដែលខ្ញុំមានអំនត់គ្រប់គ្រាន់ក្នុងការសរសេររឿងខ្នាតវែង
ហើយចំនាយពេលយ៉ាងច្រើនសំរាប់បង្កើតតួអង្គនីមួយៗ
ខ្ញុំខ្លួនឯងក៍សង្ឃឹមថានឹងល្អមើលដែរ
ខ្ញុំបានបង្កើតជំពូកមួយទៀតនៅក្នុងទំព័រនេះ
ពត៍មានបន្ថែមនឹងជូនពេលក្រោយ
អីឡូវនេះសូមទៅផ្ទះហើយ 
ជួបគ្នានៅថ្ងៃស្អែកព្រោះមេឃរកភ្លៀងហើយ
ប្រយ័ត្នលិចផ្លូវរកវិធីចូលផ្ទះមិនបាន

Continue reading " រឿងរ៉ាវស្នេហា "